影片
更多
2020-02-28
286 浏览
另一间大围既人气 coffee shop, 出名自家制新鲜面包。朝早10点去到, 见一路未开门, 等到15分都未开就走人, 但行来行去都唔知食乜, 结果10半打去问, 佢话啱啱开门, 咁就行返过去食啦。入到去, 其实都未预备好晒, 有2个STAFF, 但未得闲接待客人, 我第一次去, 唔知系点餐先定坐定先, 企咗2-3分钟都无人接待。到 staff 处理咗手头上既野, 帮我地落order时, 我都未见到有出名既自家制新鲜面包, 有d失望......再等多几分钟, 就见自家制面包被放上display 柜入面了。原来送新鲜面包来的店员还未有时间放入柜卖。今日有3款面包, 有紫薯麻糬面包, 芋蓉麻糬面包 同 另一款唔记得咗咩名, 我就叫咗个芋蓉麻糬面包 + 一杯 latte ($75)。长长既面包, 望落唔多好味, 白雪雪咁, 送上枱既时候系室温既, 质地系软软既。面包一比完钱坐低就送上枱了, 我一边食, 一边打机, 已经食得好慢好慢, 每一啖都用刀叉切, 都仲未见到杯 latte, 由我order完杯latte都上枱等咗25分钟, 自问我都做过coffee shop, 间餐厅其实都系讲紧得
朝早10点去到, 见一路未开门, 等到15分都未开就走人, 但行来行去都唔知食乜, 结果10半打去问, 佢话啱啱开门, 咁就行返过去食啦。
入到去, 其实都未预备好晒, 有2个STAFF, 但未得闲接待客人, 我第一次去, 唔知系点餐先定坐定先, 企咗2-3分钟都无人接待。
到 staff 处理咗手头上既野, 帮我地落order时, 我都未见到有出名既自家制新鲜面包, 有d失望......
再等多几分钟, 就见自家制面包被放上display 柜入面了。原来送新鲜面包来的店员还未有时间放入柜卖。
今日有3款面包, 有紫薯麻糬面包, 芋蓉麻糬面包 同 另一款唔记得咗咩名, 我就叫咗个芋蓉麻糬面包 + 一杯 latte ($75)。
长长既面包, 望落唔多好味, 白雪雪咁, 送上枱既时候系室温既, 质地系软软既。
面包一比完钱坐低就送上枱了, 我一边食, 一边打机, 已经食得好慢好慢, 每一啖都用刀叉切, 都仲未见到杯 latte, 由我order完杯latte都上枱等咗25分钟, 自问我都做过coffee shop, 间餐厅其实都系讲紧得5个客, 我杯又唔系hand drop coffee, 都唔明点解等一杯咖啡要等25分钟! 等到杯latte, 我个包得返4分1。
讲返D 味道, 面包系软软室温既, 正如我所想, 面包应该要微温先好食, 所以我当然觉得呢个包既味道一般, 但入面既馅料系好足既, 由头到尾都有芋蓉同麻糬, 芋蓉少少甜, 我觉得适中 (对于重口味既人, 应该系叫无味)。麻糬就口感软滑, 烟烟韧韧, 少少甜, 系ok既!
杯latte既coffee都好浓, 牛奶都够滑, 又有少少latte art, 但可能等得太耐, 唔觉得值25分钟等一杯味道正常既咖啡!
总结来说, 野食无觉得特别好味, 咖啡正常, 未必会再黎。
题外话/补充资料：
p.s. 间coffee shop系人气热店, 我第一次想帮衬时见到入面full house, 出面有10个客等紧。无等。
coffee shop空间细少, 空气唔多流通, 唔适合多人系入面。
(以上食记乃用户个人意见 , 并不代表OpenRice之观点。)
张贴
