大勝軒丸一 (金星閣) (已結業)

今日趁过海去附近做野，就想去呢间试下沾面，都有见到食评话安排坐位有问题，谂住12:00去应该唔太多人呱，就即管试试，我去到时门口无人等，望去入去吧枱5座位坐了3个客，普通枱二人的有两三张系无人既，谂住似有位就入去，煮面既师傅问我几位（态度麻麻），我话1位，佢话无位叫我出面等，果下都再望一望店内，咁我照系出面等，期间我行去隔离店望下有乜食再行番去时就有两个人行入去，就即安排位，咁我继续系门口等，之后再有两个入，又即安排位，我就入去问我1位点解唔比我入先，女侍应答我1位未有位，又叫我系出面等，等左阵又有两母子行入去，女侍应就叫佢地出面等，跟住女侍应问我几位，我话1位，佢好搞笑地话：你排第一个位就唔好行开啦，有位比你！我果下忍唔住：我一直都系度等，系你地叫晒二人既入去！佢见我发火先稍为好礼貌少少，叫我等等！到我入去时都系安排二人位比我，跟本佢地自己安排有问题，仲要怪个客！至于食品我就觉一般，沾面汁好咸，虽然唔系味精果只咸，但都要狂饮水，所以试一次就够了。