板長壽司 (已結業)

板长今日临返工前去左板长食lunch，谂住佢呢个时段冇咩人食，上食物的速度应该会快好多，所以谂都唔谂就入左去。入到去即刻用电子餐牌点个lunch set先，其实我几钟意佢个电子餐牌，好方便，价钱又清楚！今次叫左鱼子三文鱼腩酱油渍饭。等呀等，足足等左三个字先有得食，明明冇咩客都要整咁耐...烧三文鱼腩都几香几嫩滑，好多鱼油，鱼油捞饭都已经唔错，三文鱼子唔腥，咬落脆卜卜，但如果要同出面专门食鱼生饭的餐厅比，就冇人地咁新鲜，三文鱼腩可以再新鲜啲。其实三文鱼饭好难会整得难食，呢个价钱食呢个质素都合理，不能要求太高。