影片
更多
2014-05-06
621 浏览
呢间店无错系几好食，身为街坊本来好有意欲去支持佢。但佢地有样野好差，就系成日要啲客等、又漏单、要啲客成日催佢，搞到大家都好紧张。基本上十次著咗五次，都见到唔同的客人等到唔耐烦，催佢地快啲。催到发晒脾气的大声闹人的，都有一两次。全部都系假期发生，一来系人多佢地做唔切，所以假期去食的话，一定要抱住变望夫石的决心。最好预松少少，大约1小时30分食一餐。例如今日我去买果阵，其实只系一半枱（5-6张）有人坐，我叫一份外卖，净系杯奶茶堂食（因为佢地无外卖杯），咁我心谂︰ok，饮完杯奶茶先走，都系有限时间。点知……我等咗 25分钟，只系等一杯奶茶。最后我唔耐烦，走佢催佢，杯奶茶两分钟内到。问佢点解要等咁耐，系咪因为厨房得一个人做，佢话系。 上述个案，其实晌一般茶餐厅，个处理方法一定系︰厨部同茶水部分别由两个人做，有时企堂会兼埋茶水果份，因为企堂知道边啲客等咗好耐张枱都仲系吉，就会塞杯餐茶俾个客顶住先。因为啲茶胆、咖啡其实一早冲好晒，只需加奶加冰就得，根本无需要啲客等。但佢地个逻辑系，一个人负责晒厨同茶水，然后厨仲要搞掂晒厨自已果啲单，有空档，先至开始做茶水单，咁你有得三四张枱，个个都食野，餐茶咪永
基本上十次著咗五次，都见到唔同的客人等到唔耐烦，催佢地快啲。催到发晒脾气的大声闹人的，都有一两次。
全部都系假期发生，一来系人多佢地做唔切，所以假期去食的话，一定要抱住变望夫石的决心。最好预松少少，大约1小时30分食一餐。
例如今日我去买果阵，其实只系一半枱（5-6张）有人坐，我叫一份外卖，净系杯奶茶堂食（因为佢地无外卖杯），咁我心谂︰ok，饮完杯奶茶先走，都系有限时间。点知……
我等咗 25分钟，只系等一杯奶茶。
最后我唔耐烦，走佢催佢，杯奶茶两分钟内到。
问佢点解要等咁耐，系咪因为厨房得一个人做，佢话系。
上述个案，其实晌一般茶餐厅，个处理方法一定系︰厨部同茶水部分别由两个人做，有时企堂会兼埋茶水果份，因为企堂知道边啲客等咗好耐张枱都仲系吉，就会塞杯餐茶俾个客顶住先。
因为啲茶胆、咖啡其实一早冲好晒，只需加奶加冰就得，根本无需要啲客等。
但佢地个逻辑系，一个人负责晒厨同茶水，然后厨仲要搞掂晒厨自已果啲单，有空档，先至开始做茶水单，咁你有得三四张枱，个个都食野，餐茶咪永世都做唔切啰。
其实当时店内有成 5 个工作人员，但其中两个老板/股东/大厨，系坐埋一边倾计、上网，完全无人做统筹的角色，无人睇吓边个客等咗九世张枱都系无野食（即系无人跟单），由得果个厨系度自由发挥，变咗边个客催，佢就做边个张单先。你唔催佢，分分钟张单都无埋。
我试过一次等咗40分钟，先至催佢（我知错了~~~），完来佢系漏咗单，我即刻走去对面乐意食，10分钟就有得食。但因为等得太耐，我胃痛。
试过有次，我叫个奄列，落咗单佢地先发现无鸡旦，即刻叫个阿姐去附近买鸡旦。（因为佢地个卖点系早餐，而早餐的主角之一，系鸡旦。）
我觉得佢地系唔熟餐饮业个流程，所以经常出现好多甩漏。
可惜我见到佢地个解决方法系删走餐单上的菜式，而无检讨餐厅分工同流程。咁即使到最后你只做三款野食，无人跟单、统筹，甩漏都仍然会存在。
题外话/补充资料：
记得一定要时常留意及提醒佢地跟自己张单，要同厨部保持密切联系。因为呢度系无人会主动帮你跟单的。
(以上食记乃用户个人意见 , 并不代表OpenRice之观点。)
张贴