三木日本料理 (已結業)

见到呢间有咁多好评所以就决定去呢间试下，心谂整体都一定会好好。讲食物方面，大部分都系一般，最好最钟意嘅就系火灸三文鱼寿司同柚子雪糕。火灸三文鱼寿司片三文鱼算厚，几好，同个酱都好夹。柚子雪糕好有柚子味，仲有唔少柚子粒，平时就好钟意饮柚子茶嘅我觉得呢个雪糕真系好好味，好正。另外个饺子鸡翼都值得推介。讲到火滚位，就系等食物送到嘅时候就真系好耐好耐好耐好耐。个法式焦糖炖蛋明明已经落咗单，等咗九个字，同一张纸上面嘅甜品都嚟哂，催佢，个服务员居然话我冇落单。都算，再叫就再等多半个钟先到。之后叫咗个炒野菜同泡菜豚肉炒饭。炒野菜等咗一个钟，泡菜豚肉炒饭就等咗个半钟，追咗四五次都唔嚟，到最后十五分钟先送到。个饭湿嘅，味道呢？得个甜字，又唔算辣，而我本来系个唔食得辣嘅人。另外，个日式蟹粥同个黑松露杂菌忌廉汤完全唔热，冻同暖之间，味道唔算差，但如果可以系热嘅就会好好多。总括，讲真，唔会再去。