一君士多 (已結業)

系openrice见到呢一间 食肆 ，见到有好多好评，于是今日特登同家姐嚟试下， 入到店舖，感觉环境系干净。 服务方面:感觉侍应嘅态度都好有礼貌 ，店内大约有三至四个楼面落单 。食物方面家姐叫了一个南乳猪手捞面 ，味道唔错，猪手好入味同埋炆得好淋，我点了一个葱油猪扒饭 ，但系味道觉得一般， 感觉价钱都唔系平，一碟饭58元再加一杯冻柠茶要另加12蚊 ，一个中午餐要70元。但系呢间食肆出现咗一个大问题，就系出餐嘅时间需时好耐 ，我食过咁多间食肆 ，冇试过一间叫一碟饭要等30分钟以上 ，除咗我张枱之外，我眼见其他嘅枱，大约有四五张都系等咗三十分钟以上 ，见到好多食客都投诉，叫一碗车仔面等咗一个钟头 都未有，眼见好多食客都怒气冲烧， 由于系食晏时候 ，可能个个都赶住返工 ，所以见到好多食客 都催咗好多次 ，但系店员都系好有礼貌咁同佢哋讲，已经帮佢哋跟紧，但系又真系好难令人接受， 等一碗车仔面要等成三十分钟以上 ，我谂佢哋嘅老细都要检讨下，出餐呢个问题，时间太耐，啲客一定唔耐烦 。而我自己本人试过一次就算，下次应该唔会再帮衬