影片
更多
2021-11-29
1349 浏览
The Butterfly Room嘅Afternoon tea除左出名好味之外，仲出名超full超难book，要每个月1号朝早9:00 sharp入official website reserve两个月之后嘅timeslot，真系少D坚持都唔得！唔好讲笑，我9月1号set定8:55a.m.嘅闹钟，9:00a.m. sharp入到去website犹豫左阵book星期五1p.m.定3:15p.m.好嘅时候3:15p.m.已经抢剩11月尾…完全体会左疫情下香港人为左食可以去到几尽~ 哈哈~等到颈都长终于等到啦，怀著兴奋嘅心情请半日假做乖乖女带妈妈去high tea~ Rosewood酒店气派非凡，等安排入座前四围参观都feel到浓厚嘅艺术气息。我地获安排坐近落地玻璃嘅位置，临近圣诞外面set up左festive booth所以block左少少个景观，但餐桌上放左有粒粒红色果实嘅冬青摆设，非常应节同ig-able~ 入座后会首先安排饮品，可从红/绿/白/黑/草本茶之中选一款，另外都有咖啡类嘅饮品，我地都觉甜品配茶会冇咁腻，所以拣左The Butterfly Room Blend同Jade
等到颈都长终于等到啦，怀著兴奋嘅心情请半日假做乖乖女带妈妈去high tea~ Rosewood酒店气派非凡，等安排入座前四围参观都feel到浓厚嘅艺术气息。
我地获安排坐近落地玻璃嘅位置，临近圣诞外面set up左festive booth所以block左少少个景观，但餐桌上放左有粒粒红色果实嘅冬青摆设，非常应节同ig-able~ 入座后会首先安排饮品，可从红/绿/白/黑/草本茶之中选一款，另外都有咖啡类嘅饮品，我地都觉甜品配茶会冇咁腻，所以拣左The Butterfly Room Blend同Jade of Africa。两款茶闻落都好香，妈妈嘅The Butterfly Room Blend个茶壶内置茶隔，玫瑰花香味几出，而我嘅Jade of Africa则用茶袋装住茶叶，味道非常berries~
等左阵Tea Sandwiches就登场啦，个presentation超吸睛，颜色配搭得好好加富有层次感~ 左到右分别系黑松露蛋沙律、鱼子酱烟三文鱼、软芝士火腿伴酸瓜、牛油果蟹肉三文治。妈妈同我都钟情牛油果蟹肉三文治，清新又fulfilling~ 鱼子酱烟三文鱼都非常唔错，烟三文鱼厚身而且肉质扎实，加鱼子酱有画龙点睛嘅作用。比起甜点，个人更爱呢个Tea Sandwiches！
40 浏览
0 赞好
0 留言
接住就系Freshly Baked Delicacy - Scones (with/without raisin) 。我唔太好堤子干所以拣左plain scone，妈妈就要有堤子干嘅~ Scones细细粒，跟clotted crème、berries jam 同mandarin jam。Scones 烘得好靓仔，外层带点crispy口感但略嫌有些少干，加clotted crème或jam就啱啱好。Scones系可以refill嘅，不过我地选择留quota比甜品~
Freshly Baked Delicacy - Scones
36 浏览
1 赞好
0 留言
一细杯嘅黑松露蘑菇汤好的骰，热辣辣食到粒粒蘑菇嘅口感，黑松露油嘅香气爆发，份量过下口瘾啱啱好，食完咸点、scones同饮埋蘑菇汤之后其实已经饱左一半。
黑松露蘑菇汤
34 浏览
0 赞好
0 留言
期待已久嘅Pastry Trolley终于嚟到我哋张枱啦！我地系serve嘅第二枱客所以餐车上面嘅甜品仲系好满，望落去都几震撼。有士多啤梨蛋糕、云呢拿拿破仑、抹茶慕丝、macaron、芒果意式奶冻。按侍应推介除拿破仑同macaron一人一件外，其余三款share。
Pastry Trolley
29 浏览
0 赞好
0 留言
22 浏览
1 赞好
0 留言
Signature云呢拿拿破仑真系唔系浪得虚明，拿破仑超松脆，牛油香系口腔内徘徊，云呢拿custard又唔甜，真系好食到晕！仲有金箔系面超靓！所以佢系我encore嘅两款甜点之中占一席位！
云呢拿拿破仑
18 浏览
2 赞好
0 留言
芒果意式奶冻就系我encore嘅第二款甜品，panna cotta 好滑又唔漏，仲见到一点点点云呢拿籽，真材实料冇得顶！
其实抹茶慕丝都好正，中间有层酸酸地嘅berries，好清新！本身都唔系特别好Macaron，不过嚟到当然试吓啦，真系超超超甜，所以都唔系好食得出系咩味😂
抹茶慕丝
21 浏览
0 赞好
0 留言
其实真系眼阔肚窄，Pastry Trolley 过后其实已经有八至九成饱，所以钟意朱古力嘅我系Confectionery Trolley嚟到嘅时候已经冇晒战斗力(超冇用)😂
Confectionery Trolley
17 浏览
0 赞好
0 留言
有黑森林蛋糕、朱古力挞、朱古力泡芙、同埋两款果仁/脆米朱古力。钟情nuts嘅妈妈非常欣赏一片片嘅果仁朱古力。朱古力泡芙冇咩大惊喜。朱古力挞非常吸引，但原来超级漏，食完已接近被KO~相对Confectionery Trolley，我都系钟意Pastry Trolley嘅甜品多d，因为朱古力太漏啦，所以我放弃黑森林蛋糕去encore我上面提到嘅云呢拿拿破仑同芒果意式奶冻。
24 浏览
0 赞好
0 留言
今次嘅afternoon tea experience非常良好，咸点、云呢拿拿破仑同芒果意式奶冻非常出色，环境同service都一流~ 我终于明点解唔难book都有咁多捧场客，两个月嘅等待系值嘅~
张贴
