SSHKB1963 BURGER (已結業)

12:26分落单，12:38先有得拎。之前试业阶段食过觉得好味，今日可能刚正式开业，失哂准，首先系个包散哂；第二系等左咁耐先拎上手都唔热，只系微温；第三系酱汁唔够；第四系最重点嘅汉堡肉，咬落完全散开，无肉饼嘅感觉反而似肉碎，一堆浆住个口嘅生粉献咁，好失望。薯条好食，唔系用千年油（咁因为啱啱开又无得比较）。试业日子，店内清一色系自己人黎试食，我响度等，周围避开佢地影相，有点尴尬；期间都有几个客行入黎想试，但见到呢个情况都走夹唔抖。我㨂日子㨂得唔好啦真系，本身住附近，本来谂住成日有得食好开心，而家都系决定唔会再帮衬。一个不愉快的经验。