影片
更多
2021-11-09
255 浏览
📍 𝐓𝐡𝐞 𝐁𝐮𝐭𝐭𝐞𝐫𝐟𝐥𝐲 𝐑𝐨𝐨𝐦香港最难Book嘅下午茶☕️，我系9月1日上午9点系官网Book左今日去食😋期待已久，去到餐厅嘅时候职员好细心咁问我同朋友有冇食物敏感🙇🏻♀️我本身对坚果类食物有敏感所以职员有帮我预备无坚果食品。我觉得因为我哋坐近窗嘅位置，有少少背光所以影相唔系特别靓，同埋冷气好冻🌝如果大家需要预约嘅话记得我每个月嘅1号9点钟去官网抢🙌🏻叫左一壶Choco Mint Truffle同Emperor’s White Garden ，可能饮唔惯所以觉得两壶茶都系怪怪地，白茶好似饮紧香水咁🥶，相比之下Choco Mint Truffle好似好味啲饮到最尾感觉好似有少少薄荷味道🫖蟹肉牛油果青瓜三文治:包身较干，蟹肉味香浓而且突出，反而食唔到牛油果味，四款三文治我觉得最好食系呢款，因为食落去好清新🌱芝士火腿三文治:面包亦煮系偏干，夹心嘅芝士咸咸地好creamy，同平时嘅芝士片唔同，上面亦有酸洋葱、酸青瓜，我觉得如果宣扬重摆喺中间𠮶夹心应该都会唔错。鱼子酱烟熏三文鱼三文治，烟熏味真系几重，中间嘅烟三文鱼片毫不吝啬，非常厚，口感一级棒👍🏻黑松露蛋沙律三文治，虽然食落口松露味极重
香港最难Book嘅下午茶☕️，我系9月1日上午9点系官网Book左今日去食😋期待已久，去到餐厅嘅时候职员好细心咁问我同朋友有冇食物敏感🙇🏻♀️我本身对坚果类食物有敏感所以职员有帮我预备无坚果食品。我觉得因为我哋坐近窗嘅位置，有少少背光所以影相唔系特别靓，同埋冷气好冻🌝如果大家需要预约嘅话记得我每个月嘅1号9点钟去官网抢🙌🏻
叫左一壶Choco Mint Truffle同Emperor’s White Garden ，可能饮唔惯所以觉得两壶茶都系怪怪地，白茶好似饮紧香水咁🥶，相比之下Choco Mint Truffle好似好味啲饮到最尾感觉好似有少少薄荷味道🫖
蟹肉牛油果青瓜三文治:包身较干，蟹肉味香浓而且突出，反而食唔到牛油果味，四款三文治我觉得最好食系呢款，因为食落去好清新🌱
芝士火腿三文治:面包亦煮系偏干，夹心嘅芝士咸咸地好creamy，同平时嘅芝士片唔同，上面亦有酸洋葱、酸青瓜，我觉得如果宣扬重摆喺中间𠮶夹心应该都会唔错。
鱼子酱烟熏三文鱼三文治，烟熏味真系几重，中间嘅烟三文鱼片毫不吝啬，非常厚，口感一级棒👍🏻
黑松露蛋沙律三文治，虽然食落口松露味极重，但系感觉上好似同蛋沙律嘅内馅料唔系好夹，我认为如果个蛋咸少少会比较好食🥺
细细杯嘅蘑菇汤虽然佢好迷你，但好够热，有适量嘅蘑菇碎，比坊间普通餐厅嘅蘑菇汤相对上冇咁咸，质地唔算太稠，好creamy好正🙌🏻🙌🏻
Scone好松脆，尤其是个饼底脆卜卜，其实我食完一个之后refill左4个😂佢嘅果酱有两个味，分别系鲜橙整出嚟果酱，有大量橙肉，唔会太甜，杂莓果酱亦都系酸酸甜甜，Butter Cream比起普通牛油🧈
之后就系最期待嘅餐车出巡，由于我唔识得坚果嘅关系所以其实餐厅嘅每一款我全部都唔食得😂，我朋友每一样多叫咗一份佢试吓个口感然后send俾我影吓相😍
抹红豆慕丝挞，上面喷咗一层好薄嘅抹茶粉，中间抹茶慕丝味道香浓而不苦涩，中间嘅红豆同抹茶好夹，下面嘅饼底牛油味好重，虽然系硬嘅但系饼底唔会太厚💚
拿破仑，呢个果然系Rosewood嘅招牌菜，呢个拿破仑真系超级好食😋我认为中间嘅𠮶个cream好友咖啡/奶茶加云呢拿咁嘅吉士味，饼皮脆脆
柠檬马卡龙🍋，好酸好酸，唔系太甜杏仁味好重，正常马卡龙口感冇乜特别😉
草莓忌廉蛋糕🎂，好普通，啲cream好啖，就好似普通嘅草莓忌廉蛋糕咁
朱古力三兄弟，呢三粒圆形嘅朱古力，入边有一粒榛子果仁，一食落口脆卜卜，感觉好特别
朱古力香蕉挞，香蕉味适中唔会盖过朱古力嘅味，上面嘅朱古力浆有少少酒嘅味道，有一种甜而不腻嘅感觉
朱古力忌廉泡芙，中间嘅朱古力cream入边有少少脆米，口感丰富，呢个睇卖相好甜但系食落去偏苦，有少少意想不到的感觉
牛奶朱古力碎块，好少牛奶朱古力系唔甜，做得几好唔会令人觉得太腻，中间有说嘅花生、果仁，
朱古力黑森林蛋糕，上面有偏苦嘅朱古力碎，中间有Cream同酒心嘅馅料，虽然佢卖相好普通好似街边档口嘅黑森林蛋糕，不过总括来讲我觉得朱古力嘅食物佢系算最好食。酒心同埋朱古力嘅比例平衡，调校得非常之好。
杂果杯入边有士多啤梨红莓黑莓蓝莓，我觉得佢本身入边嘅水果偏酸，所以有点果酱一齐食，咁样就会冇咁酸。🍓
之后一个红莓嘅果冻杯，呢个果冻杯个口感同味道好奇怪🥶好似有少少豆奶加维他奶嘅味道，而佢嘅口感系唔似啫喱亦都唔似果冻，偏硬，好似鱼胶粉落得太多嘅感觉。🤮
水果软心朱古力、茉莉花香朱古力、酒心朱古力，呢三粒朱古力都比我想像中好食唔会好甜中间仲会有唔同嘅味👍🏻
杏脯朱古力块，太甜了，食完之后起晒痰🤮
芒果椰汁杯，一个好似食紧芒果糯米饭咁两个字讲晒！好味😋
评分时间❣️ (最多五颗星，如不推荐会打交叉）
食物质素⭐️⭐️⭐️⭐️
环境⭐️⭐️⭐️⭐️⭐️
服务质素⭐️⭐️⭐️⭐️
价钱💸:埋单$877
餐厅资料📋: The Butterfly Room
🕌地址: 尖沙咀梳士巴利道18号香港瑰丽酒店2楼
☎️电话: 38918732
张贴
