影片
更多
2011-11-26
859 浏览
朋友八个月前已经订咗位，等咗咁耐，差啲都唔记得咗。谂住有餐好嘢食，点知…唉，差极！味道欠佳，冇乜特色，欠缺私房菜嘅精致，跟坊间嘅斋舖素食馆冇乜分别，完全冇惊喜，仲要每人三百几，唔值！一围枱十二道菜，全部都改咗啲唔知系乜嘅名，既不雅致，亦不贴题，已经唔记得哂。凉拌珊瑚 - 感觉清新，但系味道唔突出，普通前菜一碟。炆冬瓜 - 依个系最有特色嘅一道菜，一大旧冬瓜炆到海参咁嘅色，口感同味道已算唔错，不过做得粗糙，毫无细致层次可言。翠瓜烙+素春卷 - 翠瓜烙睇落几得意，好似炸软壳蟹咁嘅样，但系咬落又唔脆，又唔香，口感欠佳，味道淡淡唔突出。素春卷仲差，唔热唔脆，冇味，唔合格。秋葵+南瓜+翠瓜 - 三种原本唔错嘅蔬菜，冇意识咁放埋一齐，完全冇相辅相承嘅效果，再加上一个九唔搭八嘅沙爹酱，失败！炒杂菌 - 不能理解私房菜竟然食到咁嘅一道菜，普通过普通。素羹 - 又话乜嘢汤底咁巴闭，未至于难食，几种素料煮埋一煲，唔香，冇口感，唯一特色系加咗柠檬叶丝，反而有啲意想不到嘅效果。素鸡 - 望落真系好似切鸡伴住中间嘅青菜，都只不过系一般嘅素鸡，咁都系私房菜？萝卜炆牛腩 - 望落真系好似，但系个所谓秘制柱侯酱唔香唔
一围枱十二道菜，全部都改咗啲唔知系乜嘅名，既不雅致，亦不贴题，已经唔记得哂。
凉拌珊瑚 - 感觉清新，但系味道唔突出，普通前菜一碟。
炆冬瓜 - 依个系最有特色嘅一道菜，一大旧冬瓜炆到海参咁嘅色，口感同味道已算唔错，不过做得粗糙，毫无细致层次可言。
翠瓜烙+素春卷 - 翠瓜烙睇落几得意，好似炸软壳蟹咁嘅样，但系咬落又唔脆，又唔香，口感欠佳，味道淡淡唔突出。素春卷仲差，唔热唔脆，冇味，唔合格。
秋葵+南瓜+翠瓜 - 三种原本唔错嘅蔬菜，冇意识咁放埋一齐，完全冇相辅相承嘅效果，再加上一个九唔搭八嘅沙爹酱，失败！
炒杂菌 - 不能理解私房菜竟然食到咁嘅一道菜，普通过普通。
素羹 - 又话乜嘢汤底咁巴闭，未至于难食，几种素料煮埋一煲，唔香，冇口感，唯一特色系加咗柠檬叶丝，反而有啲意想不到嘅效果。
素鸡 - 望落真系好似切鸡伴住中间嘅青菜，都只不过系一般嘅素鸡，咁都系私房菜？
萝卜炆牛腩 - 望落真系好似，但系个所谓秘制柱侯酱唔香唔够味，萝卜唔靓唔入味，扮肉低层次。
炒米粉 - 虽然素食大多清淡，都唔洗淡成咁挂，又唔热。
炒饭 - 炒得唔油腻，但系又系唔热唔香，兼且味道怪怪，唔钟意。
美点双辉 - 煎南瓜饼，又系唔热唔香，非常一般。土伏苓糕，冇乜特别，唔算差。
淮山糖水 - 最差嘅糖水，水稀稀，又话有西米，又话有绿豆，每碗得𠮶几粒。
张贴