影片
更多
2016-03-06
956 浏览
呢间分店新开店时，有少少系用嚟分流路德围总店嘅客，当时路德围嘅接待哥哥会叫我哋呢啲荃湾友识路嘅去新店，唔使等又有折。当时真系无咩客。我哋仲喺半年前左右收到新店邮寄嚟嘅送芒果糯米饭嘅优惠券，于是直觉觉得新店生意应该唔会太旺，于是无订位walk in, 点知星期日晚超多人，等咗成个钟先有位，啲等唔惯位嘅长辈级家庭成员黑哂面。不过留意返繁忙日子订位都要预早，即晚都无得订。其实身为荃湾友之前已经食过好多次，早前入院又刚好与金坊嘅开山泰籍女大厨住同一间房，大厨嘅友善同见到佢两位年青老板当佢家人一般嘅尊重同关心，出钱出力，令我对金坊大大加分。芝心虾丸，虽然个价钱$88可以点到碟咖喱，但仍然系我每次必点之选。有次去路德围唔想等试咗另一间泰菜但无呢味𩠌，朋友仔极度失望。我要求原粒上，想要爆酱效果，但最后都系开咗边，可能惊啲食客辣亲嘴。虾胶弹牙，外层一层薄薄脆皮，大量芝士。今次啲芝士冻咗少少，而且上菜次序好随意，今次系上哂所有主菜主食先上。建议唔洗点鸡酱，会抢咗啲芝士味。柚子沙律，好几辣，记得以前系无咁辣。大量脆花生同虾米，啖啖咸香。柚子嘅甜中和咗少少辣味。烧大鳝，金坊烧物一向出名，路德围店仲有个大烧烤
其实身为荃湾友之前已经食过好多次，早前入院又刚好与金坊嘅开山泰籍女大厨住同一间房，大厨嘅友善同见到佢两位年青老板当佢家人一般嘅尊重同关心，出钱出力，令我对金坊大大加分。
芝心虾丸
$88
31 浏览
0 赞好
0 留言
柚子沙律
$78
23 浏览
0 赞好
0 留言
烧大鳝
$78
32 浏览
0 赞好
0 留言
咖喱扇贝
$88
18 浏览
0 赞好
0 留言
大虾炒金边粉
$78
53 浏览
0 赞好
0 留言
海南鸡饭
$51
28 浏览
1 赞好
0 留言
海南鸡饭送𠮶个冬瓜汤仲送多只鸡脚。楼面人太少，令服务未尽完美。
我哋系念住用咗张月尾到期嘅优惠劵芒果糯米饭优惠券先尊登帮衬，我哋落单时出示就叫我哋食完正餐埋单时先用。到埋单又话今日好多客唔用得，一时又话无哂(虽然我唔系好信)，叫我哋袋好张劵下次先用，之后仲赖神秘细细话送多啲原本枱枱都送嘅大菜榚俾我哋，但我话我唔钟意食，唔使。
落楼后，家父仍对接待姐姐念念有词咁话等返好耐，姐姐后来主动俾咗张9折卡我哋，最终算有少少收获啦。免加一，食物样样都有一定水准，所以仲会继续支持，不过会选择闲日。
张贴
