影片
更多
2023-03-08
651 浏览
见到佢门口有QR code落单，我贪方便就网上落单+畀钱，点知就出事喇本身网页话要等15分钟，我等咗15分钟之后入去舖头问，点知佢哋话冇收到张单😧咁个店员话帮我整嘢食，我就出返去餐厅外等，结果又等咗10分钟都未有，我就再去问，见到佢哋仲整梗部接单机个店员竟然话啱啱先收到张单，依家帮我整嘢食😧😧😧啱啱又话帮我整，但依家都未整？我同店员讲想退钱，佢哋竟然叫我自己㩒退款，但个网完全冇呢个制，乜退款唔系餐厅先做到咩，点解要叫返个顾客自己退？餐厅究竟识唔识用个网上平台？我同佢哋理论完一论，最后都系帮我即刻出餐但个店员居然叫我喺佢哋角度谂吓，话餐厅未接到单，问我会唔会帮佢整我真系O晒嘴，点解你又唔喺我角度谂吓？我等咗你哋15分钟又15分钟，点解餐厅嘅错误要顾客埋单？最后佢哋5分钟内都出到餐，原来出餐系咁快，咁点解唔可以喺我第一次问佢哋嘅时候出餐？其实我以前食过茶语都觉得唔错，而茶语同附近𠮶间茶点系姊妹店，茶点我都畀过好评佢哋，佢哋以前舖头叫日月居，我都系由细食到大，今日第一次遇到咁嘅情况真系好失望希望餐厅可以好好检讨吓服务态度临走前听到佢哋话门口个QR code 落单都唔会用，谂住嚟梗唔再用，大家
本身网页话要等15分钟，我等咗15分钟之后入去舖头问，点知佢哋话冇收到张单😧
咁个店员话帮我整嘢食，我就出返去餐厅外等，结果又等咗10分钟都未有，我就再去问，见到佢哋仲整梗部接单机
个店员竟然话啱啱先收到张单，依家帮我整嘢食😧😧😧
啱啱又话帮我整，但依家都未整？
我同店员讲想退钱，佢哋竟然叫我自己㩒退款，但个网完全冇呢个制，乜退款唔系餐厅先做到咩，点解要叫返个顾客自己退？餐厅究竟识唔识用个网上平台？
我同佢哋理论完一论，最后都系帮我即刻出餐
但个店员居然叫我喺佢哋角度谂吓，话餐厅未接到单，问我会唔会帮佢整
我真系O晒嘴，点解你又唔喺我角度谂吓？我等咗你哋15分钟又15分钟，点解餐厅嘅错误要顾客埋单？
最后佢哋5分钟内都出到餐，原来出餐系咁快，咁点解唔可以喺我第一次问佢哋嘅时候出餐？
其实我以前食过茶语都觉得唔错，而茶语同附近𠮶间茶点系姊妹店，茶点我都畀过好评佢哋，佢哋以前舖头叫日月居，我都系由细食到大，今日第一次遇到咁嘅情况真系好失望
希望餐厅可以好好检讨吓服务态度
临走前听到佢哋话门口个QR code 落单都唔会用，谂住嚟梗唔再用，大家如果仲谂住嚟食，千祈记得唔好用门口QR code 落单，以免中伏
张贴
