隨您鍾意 (已結業)

唔知几时天后呢间有串烧食，咁事源揸车经过谂住食糖水，见到串烧就食返两串做宵夜！Order 左一串羊，一串鸡，一串台湾肠同烧鳗鱼呢几样野已经成100蚊，唔算话好贵既，又第一次食，谂住试试佢😋我地系正门口等外卖，等左好耐又冇人叫我地，而我地见到一袋外卖放左系枱头一段时间，按耐不住就去问得未！🌚🙄原来个袋就系我地！之后就离开。乜野事？🙄首先个阵仲要半夜成点钟，冇客咁济㖞！！！！🌚🌚🌚🌚🌚外卖得左，客人系门口等都可以唔出声话拎得！咁样既态度我地已经决定唔会再光顾！😠😠宜加先戏肉！😊离开后我地揾地方食。首先一打开盒野见到好似肌肉萎缩既鸡同羊！第一系食台湾肠先，咬落去小小暖，以为系放耐左冻左，但应该系未烧到热啰！第二分别一人串食鸡同羊！系冻既！😡😡😡😡😡😡唔系放凉左个只冻，系雪柜拎出黎解冻个冻！咬左中间，奶一奶支竹签，冻架！雪柜雪住个d冻！有冇咁过份，即刻吐返出黎！真心惊肠胃炎！到鳗鱼，有烧过下既我估，起码唔系冰冻🌚 不过你直头唔会用微暖去形容！因为真系食落连dd既暖都冇！等执笠喇！等又等得耐，烧又烧唔热仲要冻！咁大个人未食过冻既串烧😉😇