影片
更多
2008-07-17
26 浏览
简直系不知所谓,直情贴钱买难受呀!!叫了6只小笼包,一碗担担面,一碗银芽鳝糊面,一碟口水鸡。简直系恶梦既开始!!入到去侍应送上两杯茶,直情都唔系茶,系两杯冻水呀!!边有上海菜餐厅会俾两杯冻水而唔系热茶?!叫侍应哥哥俾两杯热的,侍应哥哥竟然冇理我地!好明显佢地跟本系冇热水(热茶?)的!!首先出场的担担面和鳝糊面 - 唔可以叫系上海面,系咁依整几条萝白丝同条菜加d唔知乜野面就当系上海面!d担担酱怪怪地,又唔香又唔好味!!鳝糊面d面底同担担面一样差,鳝糊少,仲要咸到阿妈都唔认得!!小笼包,6只要42大元,即系7大元一只,竟然比街边质素仲差!!d皮仲厚过你块面皮,d猪肉唔新鲜不特止,仲有怪味!!口水鸡,食完呢个真系食到妈妈声,只鸡「鞋」到死,唔新鲜都算啦,仲要有阵好似开始变既味,仲有d口水鸡既酱系夹硬倒落去,d酱得个辣字,难食到死!!呢间咁既野又唔系平过人,仲要收埋人加一,但系埋单系要自己行出去俾的,咁既食物,咁既服务!等执笠啦!!刚好见到前面一枱外国人的客,竟然仲可以系呢个舖叫take away!!如果老外认为这样的质素叫好,我好担心香港的美食天堂美誉会因为咁而毁于一旦!!一句讲晒,你想试下
叫了6只小笼包,一碗担担面,一碗银芽鳝糊面,一碟口水鸡。简直系恶梦既开始!!
入到去侍应送上两杯茶,直情都唔系茶,系两杯冻水呀!!边有上海菜餐厅会俾两杯冻水而唔系热茶?!叫侍应哥哥俾两杯热的,侍应哥哥竟然冇理我地!好明显佢地跟本系冇热水(热茶?)的!!
首先出场的担担面和鳝糊面 - 唔可以叫系上海面,系咁依整几条萝白丝同条菜加d唔知乜野面就当系上海面!d担担酱怪怪地,又唔香又唔好味!!
鳝糊面d面底同担担面一样差,鳝糊少,仲要咸到阿妈都唔认得!!
小笼包,6只要42大元,即系7大元一只,竟然比街边质素仲差!!d皮仲厚过你块面皮,d猪肉唔新鲜不特止,仲有怪味!!
口水鸡,食完呢个真系食到妈妈声,只鸡「鞋」到死,唔新鲜都算啦,仲要有阵好似开始变既味,仲有d口水鸡既酱系夹硬倒落去,d酱得个辣字,难食到死!!
呢间咁既野又唔系平过人,仲要收埋人加一,但系埋单系要自己行出去俾的,咁既食物,咁既服务!等执笠啦!!
刚好见到前面一枱外国人的客,竟然仲可以系呢个舖叫take away!!如果老外认为这样的质素叫好,我好担心香港的美食天堂美誉会因为咁而毁于一旦!!
一句讲晒,你想试下有几唔掂就去帮衬下啦!!
张贴