漁之部屋 (已結業)

本人于7-5-2021，17:30光顾佢地嘅放题，由于唔系第一次光顾，所以带住满怀欢喜嘅心情去庆祝我嘅生日，点知就令我过咗一个难忘嘅生日。1:除咗头一转到刺身喺落单之后15分钟到，其他食物一概等15分钟以上，仲要系催单先至比一、两样你。2:同个侍应讲啲食物好耐未到，佢竟然话：出紧架喇，厨房都排哂队，佢都无办法！我再同佢讲：咁你地做放题，点可以咁甩单，我地食等2个钟，剩系等都等咗我1个钟，我点食？佢系咁讲：出紧架喇，出紧架喇....就走咗去，转头再放低碟天妇罗，我地又再等....后尾我留意到，每次有侍应出餐，佢地盘上面都系同一样食物，例如成盘都系串烧，或者成盘都系天妇罗.....𠮶一刻我就明白，原来系厨房储单！咁已经衰，仲要后来先到！见到咁，我再叫多次未嚟嘅食物，咁先开始有啲野食！但系已经过咗1个钟......讲真，佢地食物唔差，尤其刺身，系新鲜嘅，不过食过咁多次，睇住佢地啲食物款式变少，热食味道都差咗！啲侍应仲周围同人sell佢地个vip会籍，未食之前都有啲心动嘅，不过今日之后，唔好话买会籍，想我再嚟食都好难！PS.最尾半个钟，佢一次过将之前无上到嘅食物一次过上比我🙄对唔住，我真系食唔