Häagen-Dazs

营业中

休息中

琴晚想奖励下自己食杯Haggen-Dazs，9点几去到好多人排队，所以都等左一阵，店员态度有礼ok又俾我试劲多雪糕都唔黑脸劲好。平时食开焦糖脆脆，今次买左只新嘅花生味🥜，味道真系好浓好正，在此召集花生友😍🤘📢📢📢，但重头戏都唔系系个味道，而系只雪糕比起其他口味嘅雪糕好似硬好多，啲店员舀几次舀到手震先舀到个球，佩服啲店员强而有力嘅臂弯可以舀足成日，个个都食左大力菠菜？哈哈。终于拎到我份邪恶嘅宵夜后，坐低开餐，但窗外系的士站，间铺仲整咁大个落地玻璃，究竟有咩好睇？不过好就好在唔洗同其他人"面对面" ，啱哂。呢间店话收10点，店员就提我话可以坐到10点，但食雪糕又唔似食包咁可以几啖吞落肚走人，不过啲店员都无赶过人走，坐多阵食完个雪糕就回家去。走𠮶时仲见到店员忙紧，真系辛苦哂依家啲打工仔，一谂起听日又要对住份 project，唉，共勉之。