影片
更多
2010-09-19
47 浏览
12-9-2010屋企人为我庆祝生日, 地点由我拣, 一行 4 人嚟到想试好耐, 但阿妈的会藉 coupon 唔用得的呢间上海店. 叫了 4 款凉菜, 一款汤, 两款点心, 两碟小菜及两款甜品, 都食得几满意的:-熏蛋: 卖相靓绝 , 蛋黄溏心黏口, 不过面头洒了唔少盐, 食落好咸 蛋白就无烟熏味, 可幸食落滑溜软熟. 整体其实有少少失望, 不过既然唔打得都睇得吓, 算啦. 花雕醉鸡: 本来想叫醉乳鸽, 但见 menu 上醉鸡系招牌之一, 又转軚试试. 酒汁好浓好啃, 唔苦, 不过鸡件唔入味; 鸡肉又硬又嚡, 鸡皮就软挞挞, 系招牌还是「拆」招牌? 镇江肴肉: 望落「啫喱」不多, 咬落发觉原来系「融」了入肉, 有点潮式「猪脚冻」feel 入口即溶的, 味道亦鲜甜咸香, 好食 镇江醋亦够酸香, 不过我觉得呢碟肴肉唔蘸醋「原汁原味」仲好食...烤麸: 面筋撕至一条条, 冰冰凉凉, 质地松化, 有咬口得来又几软熟, 索满咸 vs 甜味比例刚好的酱汁, 食唔停口 仲有冬菇, 黑木耳 (?) etc, 一样索汁入味, 好食.带子海鲜汤: 一直以为汤底会系鱼-ba
屋企人为我庆祝生日, 地点由我拣, 一行 4 人嚟到想试好耐, 但阿妈的会藉 coupon 唔用得的呢间上海店. 叫了 4 款凉菜, 一款汤, 两款点心, 两碟小菜及两款甜品, 都食得几满意的:-
熏蛋: 卖相靓绝 , 蛋黄溏心黏口, 不过面头洒了唔少盐, 食落好咸 蛋白就无烟熏味, 可幸食落滑溜软熟. 整体其实有少少失望, 不过既然唔打得都睇得吓, 算啦.
花雕醉鸡: 本来想叫醉乳鸽, 但见 menu 上醉鸡系招牌之一, 又转軚试试. 酒汁好浓好啃, 唔苦, 不过鸡件唔入味; 鸡肉又硬又嚡, 鸡皮就软挞挞, 系招牌还是「拆」招牌?
镇江肴肉: 望落「啫喱」不多, 咬落发觉原来系「融」了入肉, 有点潮式「猪脚冻」feel 入口即溶的, 味道亦鲜甜咸香, 好食 镇江醋亦够酸香, 不过我觉得呢碟肴肉唔蘸醋「原汁原味」仲好食...
烤麸: 面筋撕至一条条, 冰冰凉凉, 质地松化, 有咬口得来又几软熟, 索满咸 vs 甜味比例刚好的酱汁, 食唔停口 仲有冬菇, 黑木耳 (?) etc, 一样索汁入味, 好食.
带子海鲜汤: 一直以为汤底会系鱼-based 的奶白色, 原来系橙色 饮落有虾壳及虾油的甘香浓味, 亦带少少黑胡椒的辛辣, 感觉劲似 prawn bisque 配料有虾球, 鱼及带子, 虾球脆身爽口, 带子稍嚡身, 鱼肉食落质地就有点霉了. 好喜欢呢个汤, 值得试试.
龙井虾仁: 见呢度有龙井茶叶 promotion, 又叫一客龙井虾仁试试, 但闻落又无茶香 河虾细细粒粉粉红红, 食落嫩滑, 少少咸 (多多脆? ), 当佢「清炒虾仁」咁食, 都几好食.
小笼包: presentation 同 Cucina (http://www.openrice.com/restaurant/commentdetail.htm?commentid=2039519) 的一样, 不过食味就当然呢度好得多 -- 皮薄但唔易穿, 带点烟韧, 汤汁热辣清甜又够多, 肉馅新鲜鲜味, 正
怕饭 / 面太饱腻, 淀粉质叫了一客素菜蒸饺... 一向喜欢食花菜饺, 呢度的亦好食 -- 胀卜卜, 饺皮比预期薄, 好多「折」亦包得靓, 食落少少甜, 带面粉香; 菜馅劲多, 剁得幼细, 食落清甜爽嫩, 正
干煸鲜笋四季豆: 做得干身唔油, 四季豆食落脆口无渣, 不过我更喜欢爽嫩清甜的扁尖笋 调味就做得唔多辣, 不过十分香口惹味, 食唔停口的一碟.
台面的一小 jar 自家制 XO 酱亦不可错过: 睇得见有劲多瑶柱丝及火腿茸, 食落唔辣, 但咸鲜又浓香, 忍不住不断空口「毕」嚟食.
甜品独食了「香米布甸配茉莉茶雪糕」: 雪糕的「茉莉」香唔突出, 不过都带淡淡茶味的, 味道少甜, 质地就似雪葩多 d, 不过够幼滑的;「香米布甸」其实就系混了饭粒的皱皮 creme caramel, 食落一样唔太甜, 蛋味突出, 一粒粒「白饭」就硬硬的, 亦当然妄想有「米香」啦.
另试了少少阿妈的桂花酒酿丸子,「汤底」清澈又清甜, 酒味淡, 桂花香亦淡; 丸子食得出系鲜制的, 可惜有点太软腍, 还是烟烟韧韧的较啱口味.
食物整体不错; 而配套就当然好啦, 唔好就大件事了.
埋单每人约 $320, 唔平, 整体印象亦有好有唔好, 不过都可以一试的.
张贴
