隠家拉麵工場 (已結業)

上个月来摸门钉，今次终于食到喇。可能系平日两点零人比较少，好好彩竟然唔洗排队，地方好细，个环境好似仲未装修完咁，木板仲围住，d木枱好似临时搭出来咁，座位系用汽水盘叠起加块滕垫就系，d调味料放晒喺头顶嘅木板，如此随意嘅装修反而好有日本横丁嘅风味。食物方面得3种选择：白（原味）、黑（黑蒜）、赤（辣+蕃茄）全是沾面；枱边有张图文并谬教你点食嘅简介，唔洗你好尴尬咁问店员食法。我点了白，朋友点了黑。白伝：把面点落汤，面面排住少少汁但都有d油，面条睇落似油面比油面粗身点，入口好爽，又能挂起个汤，食落好有味亦不油腻；之后我再加昆布醋同辣酱，辣酱唔辣好重蒜味，但我觉得唔加任何野较好味。食完个面加鸡汤饮个汤，但实在太油同太咸饮唔落。黑伝：望落好油，将面点落去只沾到油所以无咩味，亦食唔到蒜味，白伝比较好食。整体来讲白伝唔错比周月的沾面好好多。