馬來椰爺

营业中

休息中

夜晚6点9去到，等左一个钟头岩岩入到去。我地3个人，叫左3杯饮品，一份多士，3碗喇沙。隔左15分钟到，首先系送饮品上枱，斑斓椰汁系冇乜味，芒果牛奶啲芒果酱过甜。之后送上泥系香蕉斑斓咖央多士，份多士送到嚟已经冻晒，份多士好韧，好难咬得开，啲酱不过不失，但香蕉带酸味。再之后等了又等3碗喇沙终于送到，碗面系好热辣辣，虾亦够大只。汤底系浓喇沙汤，唯独是个面底，啲掺掺已经浸到淋晒，完全冇咬口。食左唔够20分钟个侍应已经催要我地交台，话就到45分钟。食得慢嘅人就唔好去挑战，因为佢上菜好慢，计埋落单时间，你要食得好快先可以45分钟之内食完。同埋店内卫生一般，啲枱都好迫，搭枱系搭上搭。4人位可以坐3个party。侍应啲态度都唔系好，如果要等一个钟，整体质素系咁就冇下次了。