念川居 (MOKO新世紀廣場)

营业中

休息中

超过一年嘅疫情，晚饭聚会变得十分难得，一放宽四人一枱就即刻约朋友晚饭聚一聚。餐厅环境唔错，唔似一般酒楼，坐得几舒服。食物方面，当然要试吓酸菜鱼，有好几款鱼，今次试酸菜桂花鱼，汤底好味又唔会太辣，鱼又够滑，真心推介。脆皮吊烧鸡都有惊喜，够脆皮，鸡肉又够滑，冇谂过川菜馆都有呢个水准。沙嗲肥牛粉丝煲就够晒浓味，朋友觉得咸咗啲；干煸四季豆就正常货式啦。甜品方面竟然有「菲林卷」之称嘅芝麻卷，好难得见到，所以要试吓，好味道又唔会太甜，另外叫咗个红枣糕都唔错，够烟韧。总括嚟讲，呢间餐厅食物质素几好，有下次嘅，下次可以试多几款川菜。呢度有辣有唔辣，应该都满足到唔同口味嘅朋友。