一風堂 (新港中心) (已結業)

今日约定左老婆去一风堂试下佢既拉面. 咁我就早一个钟去到拎位啦...点知1072号...但7点10分既时候叫到805号而已本来想放弃, 但老婆突然同我讲你想试咁耐就等啦, 期间行住街食下野, 一等就到9点53分..终于入得去, 门口既带位亦好有礼貌话'要你地等咁耐, 真系唔好意思'。因为一早就睇定食乜就立刻叫左白丸, 赤丸, 饺子同叉烧角包我的白丸面外加溏心蛋, 汤清甜有猪骨既胶质, 但系返屋企都饮左唔少水, 可能天气热啦~老婆的赤丸面加蛋, 因为有蒜油同辣酱, 味道比白丸更浓一风堂叉烧角包, 真系好好味, 但因为太肚饿, 两三口就KO左一风堂出名既饺子, 虽然$38/5只, 但真系好出色, 皮簿油少有肉汁总括黎讲, $68一碗面真系物超所值, 饺子可能算比较贵, 服务大致很好, 只时有些小插曲就系有人要求将3人既飞转单人位搅到秩序好乱, 希望佢地控制到呢个问题啦, 唔系之后有排烦, 个个有理无理见多人就分枱座。