Nomad (已結業)

等左2个钟先入到去  食物完全唔得见到有新 cafe 都想去试食一下，门口超级多人等位，所以都要先叫咗朋友6:00开始等，攞咗飞之后因为都等咗30分钟所以都问职员大约几时有位，职员表现得好冷淡话唔知，问职员仲有几多个，都表现得唔系好想答你。因为都等咗成30分钟所以都觉得应该差唔多啦，之后再等等。一路等一路等终于等到8:00有位。（其实如果我知道要等两个钟一定要走）终于入到去有位，想睇吓有啲咩特别，问职员有啲咩好介绍，又系得到冷淡反应「全部都好好食」，好啦，既然咁样我就周围睇吓其他人食边样野多，见到个鳗鱼汉堡好吸引😄，满心欢喜叫咗。点知嚟到嘅时候个包完全食唔到系㶶咗嘅。饮品叫咗dirty，一般般啦完全冇咖啡味，好似饮左杯有咖啡味道嘅水一样。整体感觉真系好失望😞。希望下次有改善啰。