勇記海南雞

营业中

休息中

Lunch hour, 想去试吓驰名嘅海南鸡饭人龙唔算好长，十几人等候👍🏻为免长时间等候，可以转外卖买返去食于是乎，我哋去问侍应姨姨堂食大概等几耐佢回应大概10分钟左右，个心都定少少。等咗15分钟倒，我哋企到门口第一个位置，即刻去扫咗安心出行，等入座但系等呀等，望一望个app都又已经又过咗十几分钟，total 30分钟up佢哋不停俾1位2位4位入座，迟嚟先上岸，就系唔俾3位入佢话无视我哋企喺度咁耐，成个过程好无奈，等到嬲，将心比心，排队都唔系跟先到先得嘅，俾筹都系假嘅奉劝各位，除咗1人，单数唔好去食饭，等到傻呀最惨系排到第一，走又唔系😂😂😂呆望住后面班人入去终于入座，大家都点咗海南鸡饭同鸡汤上枱都几快好彩只系排队安排差，个饭嘅质素有保证海南鸡冇骨同非常嫩滑饭面有些少炸蒜点缀酱料系辣椒同醋，少辣同酸带到啲泰式风味出嚟整体系好味嘅而椰子鸡汤，浓而不腻入面有好多海底椰，些少红萝卜，好饮今次系几不愉快嘅经历，幸而海南鸡饭同鸡汤力挽狂澜，加返少少分😥下次堂食，要预先睇几人再去啦🫠好餐厅，但服务不予置评。