旮旯 (已結業)

旮旯係一間人氣店， 每次經過都會見到一條長長嘅人龍。今次也不例外，所以我選擇外賣自取。不過由於嚟到嘅時間都已經差唔多5:00 ，所以最想食嘅cake roll 已經全部賣晒啦！所以我揀咗都多人推介嘅葛餅同埋叫咗一杯凍嘅薰衣草latte。葛餅係都煙韌， 每一粒都沾滿綠茶粉，配送一杯香濃嘅咖啡真係攞足一百分💯。 叫左一盒外賣，不過自己食一盒都有啲飽肚。 另外薰衣草咖啡就不太啱我個人口味，硬係覺得薰衣草同咖啡麻麻哋夾到。 題外話，估唔到嘅係個外賣盒都幾靚，令到我食外賣都不太會差嘅感覺。