漢發麵家 (大南街)

营业中

休息中

每次去都預左要等，今次等左十張枱左右，都算快，係門口諗定食乜岩岩好。不過次次食完都覺得好鬼值得，無法啦佢真係有佢本事！食物質量對得起個價錢。今日兩條友叫左豬潤豬扒面，炸魚球，炸全翼，西多士，仲有兩特飲。上得快又熱辣辣，全部都好鬼好味，特別係厚切豬潤，又脆又新鮮！塊豬扒就無話可說，大同厚囉！又入味！西多出色蛋香濃！炸魚球大大粒，唔縮肉厚又彈牙，沾醬更加有層次感，涼粉紅豆特飲無咩特別，杯鴛鴦就好夠味，整體黎講超滿足，下次再黎是必須的。