蘭芳園 (已結業)

呢一日我同朋友谂住过转大海 做一天游客，咁即场买完船飞又未够钟就当然要叹返个早餐先啦（其实码头附近呢个商场都有好多快餐店既选择既 例如KFC呢啲，但系黎得呢边 我建议吃货食啲特别啲既餐厅会开心啲！）我谂佢都系做游客生意，可能因为早餐既缘故，所以价钱都算合理、位置都方便，食完就可以直接上船喇一入到去，装修集茶餐厅与冰室于一身，有怀旧既感觉，每张枱头顶既灯及枱号吊牌尤其特别。我同朋友一人嗌咗一set早餐，两个都叫咗咸牛肉炒蛋配多士/奶油猪加热饮首先，对于奶茶既评价系：奶香滑、茶香浓，两者比例相约，感觉唔落糖都饮得落，饮得出系有经验师傅冲调既奶茶！另外就系个主角，咸牛肉炒蛋。佢既份量唔多，胜在炒蛋技术好，流心既蛋汁配合咸牛肉碎既味道，令口感更为丰富，更使人满足！加上佢个咸牛肉虽然系罐头，但味精唔重至于多士，果然系驰名厚多士。两块十尺厚既多士一上枱令我地二人都目瞪口呆，因为无谂过系咁大份。此外，多士烤烘到金黄香脆，附上一层薄薄既牛油，正宗大件夹抵食！若加入咸牛肉蛋，更系份量十足！奶油猪睇落份量就细啲，但唔好睇少令人增加罪疚感既能力烤烘至外脆内软，薄薄一层牛油 加极厚既一层炼奶，好甜，好邪恶，炼