Cafe Aboong HK (已結業)

韩风大热，两个八十后靓女去转韩国都带到美食秘笈返香港，hit爆全港既鲷鱼烧吸引左笔者去潮圣。呢度风摩万人既系鲷鱼形格仔饼，鱼尾系热辣辣既吉士或红荳，任君选择。配上自家制柠檬味乳酪 ，仲有两粒淋上朱古力酱的提子，一冻一热够哂特别。得意还得意，不过食就要食快啲，因为话哂都多料又聚手，一个唔觉意条鱼就会肠穿肚烂。食落去有啲似frozen yogurt，酸酸地冰冰地，入口易溶都几爽。吉士酱就嫌唔够多，鱼尾有啲扁，如果多啲会更好。虽然外表得意，不过就有啲似雪糕乳酪格仔饼，而且等两个钟实在夸张，有时间贪得意都可以买个黎影相既。