影片
更多
2006-09-09
43 浏览
早陣子，幫了老友搭路，令他賺了一筆。友人為答謝我，請我吃一頓飯。兩個男人，到西餐廳唔係咁適合，所以到酒樓。地點任他選。懶得睇餐牌，隨便點了「至尊名菜超值套餐」（$298 / 位）。連茶芥和一碗潮州粥，埋單$690，價錢適中。這個套餐包餐前小食、炸物一客、翅一碗、網鮑一隻、自選小菜一客、甜品一碗。先來凍的濕毛巾，作抹手用。再飲杯「潮州功夫茶」，吃筴「潮州鹹酸菜」。Ready！是日餐前小食：「雞絲海蜇」調味和下油恰當，不用太多麻醬巳經okay。兩款海鮮炸物：「金沙蒜香大蝦」或「百花釀蟹拑」。各要一客。老友的大蝦體積唔細，肉質爽甜，賣相味道超班。我的蟹拑炸得好好，唔油膩，外皮脆而不硬，蝦蟹膠超彈牙，蝦味濃濃。師好手勢唔差！翅亦有兩款：「菜膽雞燉鮑翅」或「煲紅燒竹笙翅」。各要一客。老友的燉翅味道清但不淡，雞湯香濃；雞肉菜膽大大舊，鮑魚理所當然地薄薄一小片；翅亦是厚厚的兩大湯匙。我的紅燒翅，味濃但配料簡單，竹笙絲和肉絲較少，但魚翅亦是厚厚的兩大湯匙。兩款都OK 架。鮑魚係「原隻大網鮑」，以砂鍋上桌，當然只係一隻細碼鮑魚，當然唔係「溏心」，幸而煮得軟滑、鮑魚味亦濃郁。自選小菜：有廿款任選，我地兩個
懶得睇餐牌，隨便點了「至尊名菜超值套餐」（$298 / 位）。連茶芥和一碗潮州粥，埋單$690，價錢適中。
這個套餐包餐前小食、炸物一客、翅一碗、網鮑一隻、自選小菜一客、甜品一碗。
先來凍的濕毛巾，作抹手用。再飲杯「潮州功夫茶」，吃筴「潮州鹹酸菜」。Ready！
是日餐前小食：「雞絲海蜇」調味和下油恰當，不用太多麻醬巳經okay。
兩款海鮮炸物：「金沙蒜香大蝦」或「百花釀蟹拑」。各要一客。老友的大蝦體積唔細，肉質爽甜，賣相味道超班。我的蟹拑炸得好好，唔油膩，外皮脆而不硬，蝦蟹膠超彈牙，蝦味濃濃。師好手勢唔差！
翅亦有兩款：「菜膽雞燉鮑翅」或「煲紅燒竹笙翅」。各要一客。老友的燉翅味道清但不淡，雞湯香濃；雞肉菜膽大大舊，鮑魚理所當然地薄薄一小片；翅亦是厚厚的兩大湯匙。我的紅燒翅，味濃但配料簡單，竹笙絲和肉絲較少，但魚翅亦是厚厚的兩大湯匙。兩款都OK 架。
鮑魚係「原隻大網鮑」，以砂鍋上桌，當然只係一隻細碼鮑魚，當然唔係「溏心」，幸而煮得軟滑、鮑魚味亦濃郁。
自選小菜：有廿款任選，我地兩個人可以選兩款。選了「方魚炒芥蘭」和「咕嚕肉」。前者係酒樓水準，唔會太油膩，菜亦鮮嫩甘甜。咕嚕肉居然okay，肉質鬆化、甜酸汁討好，唔錯！兩者都賣相漂亮。每碟的份量係一般小菜客飯咁大，都幾多架！
甜品係「椰汁燉官燕」。椰汁好香，燕窩近兩湯匙，都算幾濃。
叫埋單後，即奉上另一份「潮州功夫茶」，甘醇。
埋單都攪足十五分鐘，差！
除左埋單慢，整體幾好，環境保留住九十年代初風格，跟樓上「富x漁港」給比下去。食物係足料。另，個人認為，翅和燕窩量偏多，但姑勿論是否真貨，都略見厨子店家誠意，總之「質」飽你地先！
张贴
