Greyhound Café (MOKO新世紀廣場) (已結業)

星期五夜晚繁忙时间，7:45pm左右入坐，眼见得2个staffs喺场，有个后生仔waiter落单，但疑似漏单，等咗20分钟都未有嘢食，我哋先开始问系咪嚟紧，个waiter就话跟一跟（…即系依家先落单？），但等咗接近半个钟都未有嘢食，剩返满满嘅饿感同一肚火🔥😠之后老公果碟羊架黄姜饭先到，我就仲系饿住睇佢食完，都未有嘢食，说好的海南鸡饭呢？超过半个钟都未有，想问只鸡系咪未孵出嚟？最后嬲到cancel order走人，我又嬲又饿咁即刻落咗楼下买外卖食。其实咁大间餐厅，人手同服务完全唔成比例，亦唔到位，非常唔掂同失望。