刕舙馫麵館 (已結業)

今日等埋朋友收工一齐去做gym, 系附近揾野食下先。见到呢间"刀刀刀 舌舌舌 香香香" 面馆个名咁得意，又有麻辣野食，就拣呢间！睇睇餐牌，店内除左面食外，仲有好多小食供选择。Yeah~点左个一个人的晚餐-麻辣炸鸡翼刀削面。一向对刀削面无咩特别兴趣，不过黎到呢度无得转面条，就试下个刀削面！呀，点知呢个刀削面真系有惊喜㖞，面质够滑之余，仲好有质感，少少弹牙，几好食㖞～炸鸡翼够香够脆，最正系旁边既麻辣加蒜蓉，超正！！麻辣味岩岩好，点鸡翼同捞埋个面食都得，赞！！见到d小食都系忍唔住，点左个麻辣青瓜，酸酸辣辣好好味。食埋个青瓜真系够哂饱～正呀今次自己一个食唔得多野，仲有好多款小食想试 (例如鸭血拼鹌鹑蛋，麻辣金沙骨等等). 下次要带埋朋友黎食，试埋其他野先！