等 (已結業)

等～寂寞到夜深～等待对生活节奏急促、缺乏耐性嘅现代人的确系件苦差，但放慢脚步，学习等待亦系给予我地静心感受生活嘅机会。以「等」为主题嘅呢间cafe以纯白色作主调配上木家私，并以干花点缀，空间感十足且楼底高，毫无压迫感。𖦹 小食拼盘 $138包括洋葱圈、鱿鱼圈、鸡块同鸡柳四款，新鲜热辣，点他他酱味道最夹，令人食唔停口。𖦹 松叶蟹肉烩饭 $138卖相精致吸引，最正系个蟹钳，肉味鲜甜啖啖肉。将蟹盖入面嘅蟹膏、蟹籽与烩饭拌匀，蟹味浓郁，口感亦极为丰富，蟹fans万勿错过。𖦹 三味蟹籽鱼籽海胆带子饭 $138日式丼饭有蟹籽、三文鱼籽、海胆同带子，鲜味爆发！海胆creamy唔腥；带子经火灸过，肉厚鲜甜；三文鱼籽晶莹剔透，爽口！𖦹 明太子蟹棒海胆意粉 $128见到明太子就知我一定会嗌xd。意粉软硬适中，每条粉都挂满明太子酱，鲜味满嗌，系略嫌干咗少少。𖦹 柚子芝士蛋糕 $68适逢闺蜜们嘅生日又点少得蛋糕呢～柚子味道清新，正好中和咗芝士蛋糕嘅甜腻。𖦹 抹茶巴斯克 $68抹茶同芝士嘅味道平衡得宜，蛋糕入面非常滑溜！𖦹 await signature $48 美式咖啡带有柚子及柠檬味，果香十足，苦中带酸甜，