影片
更多
2014-01-18
968 浏览
晚餐时间好多人， 即使系9点🕘嚟到都好多人等紧位。由于我地2个人唔想搭台，所以唯有等，等咗5分钟左右就有台，👌算快。等台期间见到有部叫"Soda"嘅机，登记完可以拎佢个登记奖赏有抹茶雪糕甜品~👍入去坐低睇咗阵餐牌就叫嘢食，嗌咗：- 沙嗲肥牛"粉丝"- 蛋包饭- 避风塘脆豆腐- 2杯嘢饮由于我同个fd都算系吹水怪，只要有嘢倾就算平时等嘢食嚟嘅时间都唔会觉得好长，但今次等嘅时间系异常咁耐😞 可能人多啦……所以我地都唔谂住催啲侍应， 大约25分钟后，终于见到个蛋包饭出现……由于打完机先食饭嘅关系，我地5分钟就ko咗个饭，到我地食完之后5分钟，个脆豆腐同啲嘢饮先出现。5分钟ko埋个脆豆腐之后，我地嘅漫长等待时间出现喇……等……等……等……20分钟后，个沙嗲肥牛"粉丝"到喇。但一夹？！点解啲粉丝咁奇怪嘅，实色嘅？好似系"蒙粉"嚟㖞。于是叫个侍应嚟话佢知我地嚟错嘢，点知佢拎张单嚟同我讲话我地系叫咗"蒙粉"。吓……我同个fd当初一心嚟沙嗲王为嘅就系食个沙嗲"粉丝"，所以我同个fd都好肯定我地落单系嗌"粉丝"，而个落单嘅侍应都系覆我地"粉丝"。个侍应都应承帮我地换，咁我地都唔介意等多阵等佢换俾我地。不
入去坐低睇咗阵餐牌就叫嘢食，嗌咗：
- 沙嗲肥牛"粉丝"
- 蛋包饭
- 避风塘脆豆腐
- 2杯嘢饮
由于我同个fd都算系吹水怪，只要有嘢倾就算平时等嘢食嚟嘅时间都唔会觉得好长，但今次等嘅时间系异常咁耐😞 可能人多啦……所以我地都唔谂住催啲侍应， 大约25分钟后，终于见到个蛋包饭出现……由于打完机先食饭嘅关系，我地5分钟就ko咗个饭，到我地食完之后5分钟，个脆豆腐同啲嘢饮先出现。5分钟ko埋个脆豆腐之后，我地嘅漫长等待时间出现喇……
等……等……等……20分钟后，个沙嗲肥牛"粉丝"到喇。但一夹？！点解啲粉丝咁奇怪嘅，实色嘅？好似系"蒙粉"嚟㖞。于是叫个侍应嚟话佢知我地嚟错嘢，点知佢拎张单嚟同我讲话我地系叫咗"蒙粉"。
吓……我同个fd当初一心嚟沙嗲王为嘅就系食个沙嗲"粉丝"，所以我同个fd都好肯定我地落单系嗌"粉丝"，而个落单嘅侍应都系覆我地"粉丝"。
个侍应都应承帮我地换，咁我地都唔介意等多阵等佢换俾我地。不过等完又等，个沙嗲肥牛"蒙粉"要换返做沙嗲肥牛"粉丝"原来要足足等20分钟，真系个人唔忟都等到忟😡
点知个侍应一放低，我个fd一夹……😠😠😠咩料？！又系实色嘅？乜沙嗲王啲粉丝变咗种呀？叫个侍应埋嚟问，佢话帮我地入厨房问吓，点知出嚟答我地个个都系"蒙粉"！！重咩又系"蒙粉"！！你依家系咪玩我地先？个侍应都好好心问使唔使换个碗俾我地，不过我地食呢餐已经由9点食到11点，如果再换我真系唔知又要我等到几点先食到我要嘅嘢，何况个fd赶住食完走，所以我最后都无再叫佢换。
谂住哪哪声食完走人，所以顺个便叫佢俾埋个甜品同计吓我地埋单几钱，因为听闻好似食够$200会送枝沙嗲酱仔。我地2个人食咗大约$18x，争$1x左右就够，问个侍应可唔可以送1枝个沙嗲酱仔俾我地，话晒等佢个2碗错嘅粉咁耐。点知佢问都唔使问吓其他人就已经答我地做唔到~
Good👍原来我地白白晒嘅40分钟时间系度等佢个2个错嘅粉，都不及人地个1枝沙嗲酱咁珍贵。其实我地前前后后等嘅时间见到身边几台客埋单之后都未必会拎个枝沙嗲酱走，啫系佢地送出去嘅比佢地出单嘅数量少。既然人地唔想送，我地都唔会去求人地俾，留返人地攞去送啰。
普通餐厅质素嘅食物同价钱，用餐嘅时间我以为自己食紧法国大餐，1个钟左右食得晒嘅嘢我地差唔多2个钟先完事……连俾咗钱埋单等佢找钱都要再等5分钟先找到俾我😤😤
成餐晚餐我只得1个结论：「等多过食」
呢间餐厅已列入本人嘅Blacklist名单之中，不会再帮衬！！多谢！！！
张贴