等你 _ _ (已結業)

以前食台湾野永远只会念起西环，依家筲箕湾都有台湾野食唔洗走到咁远！食既时候差唔多夜晚830，依然系坐满晒人，好旺场啊！好彩唔洗等位！佢有套餐可以拣，一个主食+野饮+小食。主食拣左卤肉饭同牛肉面。两样都系食台湾野必食既！卤肉饭份量都算大碗，有一条菜同半只卤蛋，个饭一黎到好大阵八角既味！食落唔算太肥，d肉好软熟，因为唔系好油所以食落一d都唔觉得好漏！牛肉面有4片牛肉，好霖好好食啊d牛肉，面唔会煮得太烂，整体黎讲都唔错！小食拣左盐酥鸡，臭豆腐，另外加15蚊要多个大肠！跟餐得两件盐酥鸡，望落就好大旧喇，但大部分都系炸粉，鸡肉得好小，所以麻麻地！招牌臭豆腐果然系招牌，闻落唔算好臭，食落新鲜炸好，好好食啊！加埋甜酱同辣酱黎食，令到个臭豆腐再上一层楼！唔好睇小隔离个椰菜啊，佢系殗椰菜黎，脆得黎酸酸地，开胃得黎食得多炸野既话食呢个好解腻啊！而且仲解左臭豆腐个臭味，呢个有惊喜！大肠一黎到吓亲，冇念过加15蚊个份量会咁多！全部都大旧，卖相好靓，可惜好睇唔好食，虽然好够味，但实在系好韧，咬极都咬唔烂，要细细啖咁咬先吞到。