影片
更多
2025-01-21
0 浏览
琴日收工，约咗住喺筲箕湾嘅friend，谂住喺附近食个晚饭，点知就俾我发现呢间隐世米芝莲！佢嘅菜式系喜出望外而且出色。我哋叫咗麻辣酥炸凤尾鱼😍呢一个上枱热辣辣，超出色，我嘅同行朋友唔食鱼嘅，佢都不停食，佢话好好食，佢系炸到酥酥脆脆连鱼骨都食唔到。然后再配上麻辣嘅汁，啲麻辣汁吸晒落落去啲鱼肉度，会忍唔住不停放入口。😋嗌咗个红油抄手，个红油好香，抄手有五粒，入边全部啖啖肉。好香好惹味。仲有佢哋嘅招牌香葱油鸡，见到个葱嘅份量真系吓亲，超级无敌多葱，但系佢嘅葱系劲新鲜，对于我呢啲钟意食葱嘅人嚟讲，真系超正，而且啲鸡系劲嫩滑，♥️送饭超正。仲有叫咗个咸肉菜饭，佢用一个石锅垫住上，所以食到后边都仲系热辣辣。甜品我哋嗌咗又系佢嘅招牌，炸芝麻团，其实就系黑白芝麻流心汤圆，佢系超级超级热，真系要等一阵先食，佢嘅外层黑白芝麻炸到超松脆，糯米皮又够薄完全冇油腻嘅感觉，内馅嘅芝麻蓉超留心，亦都唔系话好甜。我都拍咗两粒。😂😂值得一赞系佢嘅饮品，同舖头名一样舖头名叫一家，佢嘅饮品就系一家人嘅称呼，例如爷爷嫲嫲爸爸妈妈等等，我哋叫咗杯养生嘅雪梨红枣杞子麦冬，呢个季节饮啱啱好，仲叫咗杯姪女，系芒果芝士奶盖配香片，成餐都
我哋叫咗麻辣酥炸凤尾鱼😍呢一个上枱热辣辣，超出色，我嘅同行朋友唔食鱼嘅，佢都不停食，佢话好好食，佢系炸到酥酥脆脆连鱼骨都食唔到。然后再配上麻辣嘅汁，啲麻辣汁吸晒落落去啲鱼肉度，会忍唔住不停放入口。😋
嗌咗个红油抄手，个红油好香，抄手有五粒，入边全部啖啖肉。好香好惹味。仲有佢哋嘅招牌香葱油鸡，见到个葱嘅份量真系吓亲，超级无敌多葱，但系佢嘅葱系劲新鲜，对于我呢啲钟意食葱嘅人嚟讲，真系超正，而且啲鸡系劲嫩滑，♥️送饭超正。仲有叫咗个咸肉菜饭，佢用一个石锅垫住上，所以食到后边都仲系热辣辣。
甜品我哋嗌咗又系佢嘅招牌，炸芝麻团，其实就系黑白芝麻流心汤圆，佢系超级超级热，真系要等一阵先食，佢嘅外层黑白芝麻炸到超松脆，糯米皮又够薄完全冇油腻嘅感觉，内馅嘅芝麻蓉超留心，亦都唔系话好甜。我都拍咗两粒。😂😂
值得一赞系佢嘅饮品，同舖头名一样舖头名叫一家，佢嘅饮品就系一家人嘅称呼，例如爷爷嫲嫲爸爸妈妈等等，我哋叫咗杯养生嘅雪梨红枣杞子麦冬，呢个季节饮啱啱好，仲叫咗杯姪女，系芒果芝士奶盖配香片，成餐都食得好满足，推荐大家去筲箕湾一家试吓米芝莲上海嘢！🧡
张贴
