新翠雅茶餐廳

营业中

休息中

好奇怪，呢间舖已经帮衬过好几次，几好食，但食评小得可怜…今次又同屋企人黎光顾，一行4人…由于有人订枱，坐低限食90mins………但系呢间野手快脚快，45MIN都食完啦。大排档式经营，大家就唔好讲卫生同服务啦！生炒骨系我最爱小菜之一，基本做中菜既都有做，但要炸得好就唔系间间得，兼且好多地方要香口兼悭皮，一系粉多过骨，一系肥肉多，瘦肉少！呢间D肉排2成肥、8成瘦，茄汁唔太酸，味道岩岩好，正！排骨滑鸡煲仔饭, 天寒地冻，煲仔饭肉多过饭，鸡肉香滑，排骨得两旧，未食清楚。饭粒干身，吸收左鸡味，开胃！不过想食饭焦就无啦…唯一投诉就系少左少少饭，唔够皮。琵琶豆腐，外皮香脆，份量唔少，白菜垫底，但系个稠汁就真系好鼻涕下…砂锅鱼头，大牌档，都唔会慢慢执码，唔好彩，呢锅无咩鱼肉食，烧肉多过鱼肉…不过反而配角豆腐好香好滑又好食，补补数。上汤豆苗正路，无咩值得写…不过竹笙好多，唔错！其实早两次黎食海鲜，都好正，可以街市买完带黎整，手势唔错。