妹記大排檔 (已結業)

今次对食很有要求嘅话食依间餐厅咁咪试吓啰。两个人叫咗四味嘢。第一味系讲到招牌菜咁巴闭嘅油条墨鱼滑。炸得都脆口嘅。配搭埋弹牙墨鱼滑系少见嘅创意。唔点汁都ok。不错。金沙鲜鱿。个汁有浓浓嘅咸蛋黄味。本身好正。可惜有三分之一嘅鱿鱼都炸到好硬好靭。依味嘢就变成高胆固醇练牙力佳选。健康及戴假牙人士注意！再嚟就系炸蚝饼。卖相是不错的。食落都好香口。可惜几油腻吓。不过都系要比个喊喊佢。因为入面大部分都系芫荽。说好的蚝仔只见几只。或者依味嘢应该叫炸芫荽更为贴切。食咗咁多炸嘢紧系要清一清啦。终于有味嘢可以赞吓喇。就系海鲜什菜煲。啲菜好清甜。又多海鲜。又大煲。好refreshing。总括嚟讲嘢食就ok啦普普通通。价钱算大众化嘅。分量都唔太少。想食大排挡风味又唔想去真。大排档都不妨一试嘅。