花月庭 (已結業)

今晚和同事一齐食farewell dinner, 试下喺帝京酒店食自助晚餐， 呢间酒店依家做紧大富翁主题， 咁又介绍下佢啦，其实呢度都有好多嘢食 。佢今次主题够晒特色， 全部都系大富翁， 每样食物同埋主题都花咗好多心思去整去融合大富翁呢个主题。 摆喺ig或者facebook真系一流!酒店都有好多食物例如日式烧物、三文鱼、 羊鞍 、龙虾、生蚝、寿司 、鱼生、生果、咖哩同各式各样嘅中式和西式食物佢都有。 好搞笑地佢哋连烧味都有。而我最钟意食就系佢𠮶生蚝， 佢𠮶啲生蚝真系好新鲜同埋你会食到生蚝嘅鲜味同埋佢亦都有啲海水嘅咸味。 即开生蚝始终都系唔同啲!此酒店亦都有我最钟意食嘅雪糕movenpick， 同埋佢其他啲cupcake呀甜品都好精彩你哋都可以欣赏下我帮佢哋影嘅相! 同埋好似呢间酒店 做紧某一张信用卡嘅promotion所以都算系抵食嘅! 都系𠮶句，可以试下 !尤其是系海鲜。