發記粉麵小炒 (已結業)

早排睽记装修，以为会重开，点知转咗手，边个疫市接火棒真头痕。估唔到街坊话呢间茶记碟头饭好食，试下先。前后食咗两次碟头饭，㗎喱猪扒有啲似泰式煮法，有香料香味唔会得个椰奶，猪扒份量多，有用香茅腌过，有质感，唔会用梳打粉嗱到唔知食紧咩咁。平时钟意偶然食下咖喱，新蒲岗黎讲讲真以前大家乐既咖喱算系调得好架喇，其他地方一系得啲椰奶味，一系用传统印度咖喱粉开，一啲都唔香唔辣仲要好鬼多味精。呢间算系咁了。梅菜扣肉就淡味咗啲，猪肉系多，但嫌唔够肥润。跟咗唔少椰菜，可能系健康版。下次会再试其他野。