火箭餐廳

营业中

休息中

去开主题乐园就知道，入边嘅嘢食一定好贵，质素都未必一定好添。咁今日就去咗食迪士尼乐园入面嘅火箭餐厅，主要系因为冇乜餐厅开，少咗选择，所以就贪佢便，想便便哋医肚就算。咁我就叫左个鱼宝餐，份量都算充足。一共有六旧大过麦乐鸡size嘅炸鱼块，隔离有啲薯条，不过就唔好期望佢会好好味，正常发挥，下面𠮶啲放耐左有啲林。八折左之后$92，对我来讲就食得饱嘅，有埋杯嘢饮，我叫左𠮶可乐，佢系杯装嘅，不过杯嘢饮唔系沟淡咗嘅可乐，大家可以放心。总括而言，如果想喺迪士尼食得便啲，又对饮食冇乜要求，可以去试吓火箭餐厅。