影片
更多
2017-10-24
376 浏览
去澳门的话，必定会食一餐葡国菜，只要食过佢d蚬，一定难忘。香港葡菜餐厅唔算多，尖沙咀美丽华的「葡汇咪走鸡葡国餐厅」算系最新一员。基本菜式如炸马介休球、烧沙甸鱼、葡式牛扒等等齐备。点菜后，如常地会先来一篮面包，大大个猪仔包微暖，外面少脆，里面烟韧，简单涂牛油已好食，亦有橄榄可选。上面讲过，食葡菜一定要食蚬，呢度的蚬好唔同，白酒煮纽西兰刀背蚬（$245）只只超巨，蚬壳有女仔掌心咁大，好少见，肉都好饱满，不过都唔会韧。简单用白酒、蒜、芹菜等等去煮，已能带出鲜味。剩下的汤汁不要浪费，撕一点面包去索满汁吃，比涂牛油更滋味。此行最主要系想食葡式烤乳猪，一向觉得佢比广东式乳猪好味。呢度分3个分量：1/4只（$280）、1/2只（$480）、全只（$880），记得订位时要顺道预订。图系1/4只，有4小件。皮系葡式一贯的薄脆，脂肪唔多，可惜肉比较少，几乎咬一啖就得返条骨，还好腌得够香。怕唔饱，伴碟有貌似西炒饭的茄汁炒饭，唔算好食，旨在饱肚仍可。香蒜烧春鸡（$195）系原只上，唔大，似一只鸡脾片开两半咁大，肉质唔系太嫩滑。面头铺左好多好多蒜蓉同香草碎，极之浓味，唔受得的话要三思。佢另外有芝士同辣的口味，大
香港葡菜餐厅唔算多，尖沙咀美丽华的「葡汇咪走鸡葡国餐厅」算系最新一员。
基本菜式如炸马介休球、烧沙甸鱼、葡式牛扒等等齐备。点菜后，如常地会先来一篮面包，大大个猪仔包微暖，外面少脆，里面烟韧，简单涂牛油已好食，亦有橄榄可选。
上面讲过，食葡菜一定要食蚬，呢度的蚬好唔同，白酒煮纽西兰刀背蚬（$245）只只超巨，蚬壳有女仔掌心咁大，好少见，肉都好饱满，不过都唔会韧。简单用白酒、蒜、芹菜等等去煮，已能带出鲜味。剩下的汤汁不要浪费，撕一点面包去索满汁吃，比涂牛油更滋味。
此行最主要系想食葡式烤乳猪，一向觉得佢比广东式乳猪好味。呢度分3个分量：1/4只（$280）、1/2只（$480）、全只（$880），记得订位时要顺道预订。图系1/4只，有4小件。皮系葡式一贯的薄脆，脂肪唔多，可惜肉比较少，几乎咬一啖就得返条骨，还好腌得够香。怕唔饱，伴碟有貌似西炒饭的茄汁炒饭，唔算好食，旨在饱肚仍可。
香蒜烧春鸡（$195）系原只上，唔大，似一只鸡脾片开两半咁大，肉质唔系太嫩滑。面头铺左好多好多蒜蓉同香草碎，极之浓味，唔受得的话要三思。佢另外有芝士同辣的口味，大家可按喜好选。伴碟的薯条反而几好食，热辣辣，都香脆，只系去到呢度已好饱，最终都食唔晒。
总括讲，佢未及得澳门的葡菜店好食，但止止瘾未尝不可。
张贴
