甜心婆婆

营业中

休息中

呢间舖系一个屋苑嘅细商场入面，相信唔系住户好少去呢个位。叫左1.冻腐竹白果芋圆加爱玉2.水果荔枝茶3.绿茶蒟蒻多多加寒天粒粒水果荔枝茶，唔系我饮嘅，所以no comment，但都见有生果，算系足料。绿茶多多，少少茶味够晒多多味，不过佢default加蒟蒻，啲蒟蒻好鬼甜。腐竹白果芋圆加爱玉，呢个超惊喜！香港好多糖水舖话自己出名腐竹糖水，但我真系食过好多间，好多稀到不得了，得阵糖味，白果又少。我自己都会煲腐竹糖水，系会落好多腐竹去煲，所以市面上都无边间我觉得合格。呢间真系掂，杰身，重腐竹味，又唔会太甜，而且白果超多无苦味，佢开半唔系碎上，有啲糖水舖系碎上。芋圆见佢都算系自家推介，算系咁，食到芋头南瓜绿茶味，口感烟韧唔死实，但好出色又未算，中上。支持小店，又系可以encore。