漁之部屋 (已結業)

经过呢间舖头好多次，都畀佢外面嘅餐牌吸引，主要都系留意到佢嘅放题。始终个肚都系食唔到咁多嘢，所以今次嘅晚餐唔系食放题， 而系散叫。 收银𠮶位职员(可能系老板)喺入门口之前招呼唔错，亦好有礼貌地介绍餐厅食物；反而是应态度就一般，可能人手唔够而且经验尚浅。点食物只需要用手机scan QR code落单，本身方便又快捷，但系居然都有几多图片系睇唔到，感觉有点一般。 餐厅卫生环境一般，普通一间繁忙茶餐厅嘅感觉。「日式叉烧炒乌冬」HKD78呢段日式炒乌冬反而成为成个晚餐嘅最大惊喜，因为份量够大味道亦唔差，食得出同埋睇得到佢系用切碎咗嘅日式叉烧去炒，保留咗日式叉烧嘅味道喺里面。「金箔香葱拖罗饭定食」HKD80真系有一啲金箔点缀， 普普通通一个香葱拖罗饭，分量一般。「极上刺身盛」HKD102里面有鲑鱼 、拖罗、油甘鱼、松叶蟹脚、带子、甜虾、大赤虾、海胆、鲑鱼籽，再配个冷面， 咁嘅价钱确实有点惊喜，刺身尚算新鲜。