東記上海麵

营业中

休息中

其实我不是住在新界区，不过另一半住呢边，所以呢一区都会成为我嘅饭堂选区，而且呢度价钱相对平，泊车又易，都系个句，呢间我都食过好多次，次次都炸猪排，今次就食炸鸡翼，粗面幼面都试过，你话十分好食又未到，不过你话粗粗地食个食得落口嘅午餐，简简单单，又ok㖞。呢度环境就唔洗多讲，熟食中心相信普通香港人都去过，不过佢嘅枱就普遍都要搭位，同埋要留意返唔同枱有唔同餐厅，佢地暗哑底都分门别类，呢度系揾呀姐叫完野食，食物到就比钱嘅方式，得野食系无野饮，野饮就要去隔离舖落单买，非常自助。我同老公二人食了炸鸡翼粗面同炸猪排雪菜粗面，炸物就够脆，份量都多，有阵蒜麻油嘅味，再夹杂啲味精感觉，面呢就上海面，之前食都唔错几弹牙，今日食就觉得好似淋左少少，加埋个汤底味道就一般啦，够饱肚，我自己都食唔哂，不过都系个句，要求太高就唔好黎食啦。