香港地 (已結業)

第一次试下美心旗下既香港地。听朋友讲，食物出品系唔错既。既然有美心呢个品牌效应，心谂唔会唔得挂。今日中午就去左奥海城呢间。由门口㩒电脑攞飞（攞完之后，坐喺傍边个收银亚姐先至出声讲话唔洗攞飞，自已入去有位就坐低...），到坐低左想揾个亚姐执一执枱（上一枱客啱啱食完出左去埋单），成个过程俾我觉得喺楼面系完全冇人做嘢既...尝试叫行过既亚姐亚哥执枱、落单，佢地一系唔啋我，当睇我唔到，一系就覆我话佢唔识落单...再望一望，啊，原来喺最入面有一枱4-5个员工用饍中，难怪... 心谂：成12点打后，都唔早架啦...最尾，终于都截住左一位亚姐帮忙成功落单（如果呢次都落唔到单，都有谂过放弃...）。其实呢，落左单之后既体验，就回复「正常」喇，我地叫左猪扒餐、面餐𠮶啲，出餐时间同质素都可以架，真系输左喺招呼服务𠮶度。