大家樂 (頌安商場)

营业中

休息中

颂安邨呢间大家乐装修完之后，员工效率好似快咗DD咁多，因为以前每逢周末早餐下午茶嘅时候都系要等劲耐等到忟，而且又成日未够钟好早就冇哂受欢迎嘅ITEM。今日又嚟咗食早餐，又系排超长龙排劲耐买餐，自动点餐机又好似冇得用。而且只系10点几，唔到11点，已经冇晒炒蛋，只系得返煎蛋.... 其实我劲唔明，明明都系有蛋，但点解有得煎，就冇得炒嘅？叫左个鸡扒煎双蛋餐，要多士，同左另外加钱加个麦皮。鸡扒就都几嫩滑，不过佢哋块鸡扒系时大时细好飘忽。多士而家有得好似大快活咁，可以要炼奶，咁就可以自制个奶油多！埋餐都要三四十蚊，其实同茶餐厅差唔多价钱。 同场加映佢哋有个特价餐，见到好多老人家都系依食个，不过由于个人系非常之唔钟意食烚蛋，所以就冇买过喇。