Tokyo Milk Cheese Factory (已結業)

临近圣诞， 同一大班朋友开party， 叫咗个蛋糕庆祝。 今次叫嘅系一个日本芝士蛋糕， 之前一路都想食㗎啦， 今次终于有机会。呢个品牌有几款唔同口味嘅芝士蛋糕， 今次既然系第一次食， 一于就叫咗个最经典嘅牛奶芝士蛋糕。个蛋糕就细细个， 大概是一磅装size， 售价大约200蚊， 算系中等价钱， 唔算平亦都唔算贵。 个蛋糕就一开八， 同班friend一人食一小块， 过下口瘾都唔错。 另外一个品牌嘅半熟蛋糕类似， 都系𠮶种 浓厚又creamy嘅口感， 芝士味好出，牛奶配合得天衣无缝。 由于牛奶芝士同cream都好多， 所以只系食一小块都已经感觉到好足够。 另外觉得佢特别嘅地方系佢芝士蛋糕外层有层薄薄嘅班戟皮， 配搭浓厚嘅芝士蛋糕， 口感又提升到另一个层次。 朋友食完都话好味， 所以绝对系可以再返转头试多几次。