War Rooms by Top Blade

营业中

休息中

Item: War Rooms by Top Blade
Rating: 5
Author: JoyfullFoodstagram

4.5

18 食记

味道

环境

服务

卫生

抵食

6105

中环

$401-800

西式扒房

JoyfullFoodstagram

等级4

444

War Rooms系Top Blade Steak Lab旗下嘅高级扒房，开咗半年左右，由餐牌及官网设计到装修摆设，都系围绕住邱吉尔嘅二战办公室呢个主题～上个月朋友生日话想食西餐，见到呢到嘅晚餐系有8道菜嘅全牛宴🐮，睇人哋啲相觉得几吸引就决定试吓🤤～特别一赞，成个用餐体验非常之好，每一枱都有专人上菜同讲解每道菜式，•🥢 Dinner 8-course Menu $780 per person另外可以加$299配埋4杯酒，而且唔一定要按人头加，即系两个人可以只有其中一人加wine-pairing, 不过因为我哋都少饮酒，所以就无加到～•📸 手工面包配烤骨髓牛骨髓𢳂起好似牛油咁，用嚟搽上烘到脆卜卜嘅薄面包，食落好香牛味同香草味～第一次食牛骨髓嘅我，觉得几有趣同有惊喜🤩•📸 秘制意式生牛肉生牛肉用上flat iron，由于经过24小时腌制，所以表面会偏向啡色～配咗蒜味蛋黄酱、黑椒、橄榄油同芝士碎，食落有少少ham嘅咸香味，但又有食生肉嘅口感，而且系越咬越有牛味🤤•📸 850度牛串呢个牛串系用咗牛胸腹，旁边配咗日式牛肉汁荷兰酱。食第一啖已经食到极浓郁嘅牛味，而且牛肉极juicy💦 无想像

•
📸 秘制意式生牛肉
生牛肉用上flat iron，由于经过24小时腌制，所以表面会偏向啡色～配咗蒜味蛋黄酱、黑椒、橄榄油同芝士碎，食落有少少ham嘅咸香味，但又有食生肉嘅口感，而且系越咬越有牛味🤤

•
📸 850度牛串
呢个牛串系用咗牛胸腹，旁边配咗日式牛肉汁荷兰酱。食第一啖已经食到极浓郁嘅牛味，而且牛肉极juicy💦 无想像过串烧可以咁juicy！牛串表面带少少焦香，而且牛味系越𡁻越出，系非常惊喜嘅一道菜🫨 食完原味之后，第二啖可以点少少荷兰酱，酱上面洒咗啲芝麻，估唔到同牛串都几夹，令成个味道多一重层次👍🏻

•
📸 干式熟成和牛舌芯
干式熟成过嘅牛舌芯令牛味更集中同浓厚，而且和牛舌芯嘅油脂好丰富～牛舌芯煎到表面焦香，又带点脆口，既有牛舌嘅爽口，入面又保持软嫩～但个人认为略嫌有少少内脏味，需要配柠檬汁/芥末蒜盐一齐食～但个人更钟意配柠檬汁，食落无咁腻；而芥末蒜盐会比较冲击，点得太多就会盖过咗牛味～

•
📸 冻汤
呢款西班牙冻汤饮得出应该用咗番茄、青瓜、紫洋葱、红椒、蒜头，再加少少调味～开头闻落有啲草青味，但饮落就有啲熟悉嘅味道，系洋葱同蒜头嘅甜同辣味，仲有啲青瓜嘅清新，整体几有趣😆
侍应话冻汤可以清新味蕾，清一清油腻感，再食之后嘅厨师发办～睇得出成个餐牌设计嘅用心👍🏻

•
📸 厨师发办牛扒三重奏
三重奏系有3款唔同嘅牛，以下顺序系图X由下而上，由较少油脂嘅食起，而且虽然配咗两款盐同一款芥末籽酱，但都系建议先各食一件原味，第2件先再加调味～
🐮 Prime 封门柳
牛味最浓郁嘅一款，油脂较少但咬落都算嫩～
🐮 28天干式熟成 Prime 牛板腱
呢款经过熟成嘅牛板腱，牛味再集中啲，而且口感似牛柳咁软嫩，个人嚟讲最钟意呢款🤤
🐮 澳洲Mayura M9+ 朱古力和牛
据说系每日食朱古力饲料嘅牛～肉质有淡淡哋嘅坚果香，油脂都比较多，但可能咁啱我哋食呢嚿有啲啲筋，所以就唔算好软嫩～
🍽️ 伴碟仲有每层都好薄脆嘅千层薯🥔、好似煎带子但又好juicy嘅鸡髀菇🍄同埋爽口嘅西兰花苗🥦～千层薯真系好出色！✨

•
📸 顶级M9+和牛煲仔饭
用和牛整煲仔饭真系好奢侈😆 咁啱我哋坐嘅位系对住整煲仔饭嘅位置，可以见到侍应好细心咁控制火候同监察住煲饭👍🏻 煲好饭后，侍应就会成煲拎到我哋枱，再落腌咗嘅和牛同豉油，之后冚盖焗几分钟，焗熟啲和牛粒同埋焗到有啲饭焦就食得🤤
和牛闻落的确几香，但就唔系好似腊味咁入晒啲香味落啲饭到，系会比想像中逊色啲啲，不过因为火候真系控制得好好，饭焦超香脆，配上淡淡嘅和牛油香同埋咸甜适中嘅豉油，都几出色嘅😋