稻八日式火鍋炸物放題 (已結業)

荃湾都有唔少火锅🥘，不过我都系钟意上次嚟食过呢间稻八，好好味又多嘢食，环境宽敞，又有日式feel🎎🎏，今日同家姐两个过嚟撑吓台脚先👭。呢度有好多价钱款式选择，由每位$158至$368不等，如果夜晚9点半后嚟帮衬仲全单85折添，超抵食呀。我哋拣咗一款稻八海鲜餐，有海鲜拼盘一份，羊🐐、猪🐷、鸡🐔无限添加。海鲜拼盘有虎虾🦐、青口、蚝、八爪鱼🐙、北寄贝、螺🐚、蚬等，而且样样都好新鲜。汤底选择好多款，我哋拣咗个九洲猪骨浓汤🥘，果真够晒浓味，猪骨味都好出。呢度仲有得自制天妇罗🍤，客人可以拣自己钟意嘅款式，款式都有十几款，有虾、烟肉肠、特级鱼蓉烧卖、灸烧芝心丸等等。然后跟住指示点啲炸浆同米糠去炉度炸就可以。有得玩，又有得食！😉自助吧有好多蔬果蔬菜🥒🌽🥕。多款饮品任饮。🍹🍷🍸甜品有阿波罗三文治、雪糕糯米糍、绿茶蛋糕、泡芙等，埋完单仲有haagendazs或者movenpick雪糕添呀，正呀，我梗系梗咗雪糕之王movenpick啦🍦！