泰嘟嘟

营业中

休息中

喺大角咀附近收工经过见到呢间泰国菜，装修好似几地道，就入咗去试吓佢个四人餐，觉得味道都相当唔错，而且个价钱又好合理，值得一试。餐厅地方虽然唔系好大，但系就好有泰国嘅风味，一入到去佢个装修就真系好似去咗泰国咁，有一啲好似笃笃车咁嘅卡座，墙身仲挂咗好多泰国相关嘅艺术品，咁啱店员安排咗我哋坐喺啲好似笃笃车入边嘅卡座，好有feel～四人餐入面有几个𩠌都好好食。泰式经典明炉大蚬煲 相当经典嘅泰式海鲜煲之一，呢度嘅大蚬煲非常惹味，汤底又酸又辣，蚬肉都好鲜甜，而且仲有好多粉丝系煲入边，吸晒汤底嘅酸辣味，送饭一流。泰式肉碎生菜包 又系一个大家都好钟意食嘅泰国菜，呢度嘅生菜包好啱钟意食酸辣味嘅人，呢度嘅调味偏酸，个人都几钟意，因为好开胃！而且生菜同肉份量都好多绝对够四个食！鲜虾炒金边粉 呢度嘅炒金边粉都好有镬气，配上弹牙嘅鲜虾，调味都适中。珍多冰食咁多热辣辣嘅嘢梗系要饮返杯珍多冰，跟四人餐半价加钱买就好抵饮！甜品最后又系用套餐优惠，再追加多一个甜品拼盘，除咗有芒果糯米饭，仲有椰汁糕同埋斑斓千层糕，芒果糯米饭都好有惊喜，糯米好软熟，芒果都好鲜甜。整体嚟讲呢个价钱真系性价比高！