泰昌餅家 (南豐廣場)

营业中

休息中

出名蛋挞嘅泰昌饼店分店都唔少，不过有提供粉面茶餐嘅分店唔多，平时都系买蛋挞，第一次坐低试食咁多唔同嘅食物。餐牌简单明确，都系比较简单嘅食物，有轻食有主食。始终系以饱饼为主嘅店，主食嘅味道我觉得都一般，份量几多，职员又有礼貌仲送埋餐添。酥皮蛋挞，咁出名一定有原因，酥皮整齐层次多，入口松化，虽然唔系啱啱出炉，但仍然系好好味。鸡批，批底都几厚，足料，味道唔错。烟肉芝士蘑菇批，食唔出芝士味，都几香。叉烧酥，酥嘅层次唔多，比较落，馅亦少。瑞士汁鸡翼捞公仔面，和脆奶油猪转咗做牛油多士但无通知，鸡翼煮过龙唔滑，面亦唔够瑞士汁，炒蛋系正常。焗鲜茄猪扒饭，呢个系餐牌以外嘅精选午餐，卖相好麻麻，味道唔错，猪扒唔韧唔会过松软。美式什扒意粉配美极汁，猪扒都一样系唔错，火腿，肠仔，菜，意粉系烚，啲啲味都无，最好笑系真系比支美极你加上去。